Servicio Meteorologico di Aruba a emiti un boletin di tempo awe diadomingo pa 5:00pm den cual ta pronostica cu tempo lo ta parcialmente nubla cu chens pa awasero, specialmente den oranan di marduga y dialuna mainta.
Pa loke ta e situacion general di tempo, un disturbio na diferente nivel di atmosfera situa den Caribe central, ta moviendo poco poco for di nos region y lo debilita durante proximo dianan.
Foto: Najib Gomez (21 aña), cu tin fotografia como su hobby e ultimo 2 añanan. E ta enfoca riba potret di naturalesa y laman/awa (https://www.facebook.com/najibgomezphotography). El a saca e potret aki mas o menos 11:00pm na Savaneta.
Sinembargo, den e proximo 24 oranan, condicionnan atmosferico ta keda faborabel pa formacion di nubia cu chens pa awasero, hasta cu posibilidad pa ta compaña pa strena y lamper.
