Ayera nochi polisnan motorisa a cuminsa cu control riguroso na altura di Lobby/Craft Bar situa riba J.E. Irausquin Boulevard y despues riba e parkeerplaats di Linear park. A reparti un cantidad di multa pa, entre otro, documentonan cu no tabata na ordo y pa no bisti seatbelt durante cu ta stuur.
Durante e control un chauffeur a dicidi di kita su yabi di auto for di e contacto, a laga e auto riba caminda y core bay laga su paspoort atras. Mirando cu e auto tabata para den caminda y tabata stroba trafico, a dicidi di takel e auto hiba ward’i polis.
Cuerpo Policial a informa awe cu na tur, a duna 45 boet na automobilistanan cu no por a demostra cu tur cos tabata na ordo. A para hopi mas auto cu esey, pero danki Dios hopi hende si tabatin tur documento, nan no tabata na celular ora ta stuur y nan tabatin nan seatbelt nechi bisti.
