Awe diasabra pueblo lo celebra comienso di Carnaval 70, e Parada di Flambue. Polis ta corda tur cu lo bay pa sea mira e parada of bay den e parada, pa tene bon cuenta cu lo controla prome, durante y despues di parada.
Percura pa bo tin bo documentonan na ordo y valido. No ta permiti pa para auto na crusada, nan ta destina pa Brandweer y Ambulance pa ora di emergencia. Lo takel tur auto para na crusada. Tene bon cuenta cu esey lo trece extra gasto pa e doño di auto. Lo cuminsa cera e ruta pa cu e parada 1 ora y 30 minuut prome cu e sali.
Faya bo Haya ta na vigor como tambe e listramento preventivo. No ta acepta placa cash! Mester paga multa cu bo carchi di banco via mashin di swipe. Si bo ta bebe NO stuur. Ta suplica mayor cu tin baby of yiu chikito, pa no hiba nan parada. Esaki ta pa nan mesun siguridad.
