Djabièrnè 27 òktober 2017, den oranan di mainta polis a detené un hòmber sospechoso na
Seru Grandi relashoná ku ladronisia i enkubrimentu. Na e kas na Seru Grandi a haña i
konfiská un kantidat di artíkulo ku ta prosedente di ladronisia i ku ya tin keho di esakinan.
Entre e artíkulonan hòrtá aki tin un motor di boto ku tur probabilidat ta prosedente di
ladronisia pero ku polis no a risibí keho di dje ainda. Pa medio di esaki polis ta supliká e doño di e motor di boto aki di marka Mercury, 40 HP pa tuma kontakto ku nos via Sentral di Polis na telefòn 917 pa asina por hasi e trámite pa atendé e kaso aki.
