Un grupo di polis di Aruba, Sint Maarten y otro isla di Caribe ta na Miami y aki a topa cu polis di Miami Beach. Nan a forma parti di un programa comunitario di preveni crimen.
Julio Blanco, agente policial di Miami Beach PD, a indica cu e teamnan di e islanan di Caribe ta cerca nan y ta siña riba e parti di polis di comunitario. Nan a siña specialmente riba e parti di preveni crimen via diseño ambiental. E grupo a siña di luz, programa di preveni crimen, programa comunitario, fake base programs, traha cu mucha na scol. tur esey ta parti di e programa di training di preveni crimen cu Miami Beach PD a prepara.
Un total di diescinco studiante policial a forma parti di e programa aki y Blanco ta e instructor di Miami Beach PD. Sinembargo, diferente departamento policial ta uni e siman aki p’asina nan por siña con e otronan ta atende cu e parti di prevencion di crimen. El a sigui splica cu cada departamento tin diferente estilo. E grupo aki a siña diaranson con Miami Beach PD ta traha.
Blanco a expresa cu e encuentro tabata uno fantastico, y e agentenan policial ta contento di ta eynan. E diescinco polisnan ta exponi na polis moderno y asina aki ta mira e camber di video, camber di camara, ta siñando e tecnologia moderno.
Unidad di comunicacion
Parti di e programa comunitario ta e unidad di comunicacion. E unidad di comunicacion ta siñando nan con pa pone mensahe riba Instagram, Facebook y otro media social. Dus nan ta siñando e parti ey tambe.
Meta di programa
Pa ora e polisnan aki regresa cas, e meta mas grandi, segun Blanco, ta pa establece programa comunitario den comunidad. Pero cada comunidad ta diferente. Nan tin di regresa y mira kico ta funciona miho pa cada comunidad y finalmente traha cu e muchanan. E muchanan ta futuro, esey ta significa cu e polisnan lo ta traha programa cu nan, participa como mentor den deporte. Esey ta un di e metanan di e programa.
Si tin plan pa tin otro agente policial studiante of bishita Aruba, Blanco a expresa cu esey lo ta algo ideal pa haci. Nan a bishita Aruba caba e aña aki y a siña con cos ta funciona riba e isla. E plan ta pa trece mas polis den e programa aki p’asina nan por siña con na Merca e polisnan ta traha.
