Comosifuera poco varios hoben a dicidi di haci desordo den e bario di Sero Patrishi den careda di 12:15 am cu scooter lantando tur e bisiñanan den e area for di soño. Ta un situacion cu e area aki ta confronta nan mes cu ne casi tur ora, semper ta parce tin problema cu e hobennan aki haciendo desordo formal cu nan brommer durante dia pero awor hasta den oranan laat di anochi.
Na yegada di polis, a bin topa berdad un di e hobennan cu tabata haci desordo y atende cune. E persona na su turno tabata tin un actitud hopi onbeschoft cu tiramento di palabra y zundramento den direccion di autoridad y medio di comunicacion presente. E scooter no tabata tin ningun documento na ordo dus no a keda nada otro pa autoridadnan confisca esaki. Takelwagen a presenta pa asina hiba e scooter warda unda cu te ora nan drecha su papelnan e persona lo por haya esaki bek.
