Recientemente Altocomisario di Polis, drs. Ramon Arnhem hunto cu Altocomisario di Sint Maarten y delegacion di Corsou a haci un bishita di trabou na Politie Academie situa na Apeldoorn, Hulanda. Esaki tabata un conferencia di dos dia pa promove un miho colaboracion internacional y inter-regional den enseñansa policial. A reuni y explora oportunidad pa por sigui reenforsa e colaboracion entre partnernan den Reino Hulandes.
Tambe elabora pa contribui cu formacion y desaroyo di e cuerponan den Reino pa tambe cu enfoke riba personal den e cuerpo y innovacion den enseñansa.
Pa Aruba e colaboracion aki ta esencial pa haci e organisacion policial mas fuerte ainda door di inverti den personal. A toca cinco diferente tema, manera SGBO cu ta encera eventonan di magnitud grandi, desaroyo di liderasgo, maneho di incidente, Polis di Bario y inteligencia.
Tambe a enfoca riba dos punto importante cu ta Community Policing and Intelligence Based Policing pa cu Cuerpo Policial Aruba. KPA ta den pleno desaroyo pa un cambio positivo pa Aruba
