Awe marduga pa mas o menos 12:30am un dama a bati alarma na Polis pa su pareha cu a maltrat’e formalmente den cas. Polis di San Nicolas a bay mesora na rescat’e di e hende muhe den problema na Savaneta. Sinembargo, ora a yega na e sitio, ya e homber abusado a “baha na awa” caba.
E victima a conta Polisnan cu pa varios tempo caba tin problema entre e y su pareha. Pero cu awe marduga e cos a bay for di man ora e homber a “pone man” riba dje. Polis a splica e victima e caminda cu e mester cana, pa busca carta di Dokter y pa e bay recherche pa denuncia e abusado. Sin un denuncia oficial ta dificil pa husticia activa. E dama a keda di sigui conseho di Polis, pasobra awo si el a fada!
