Den careda di 2:45 di madruga, patruya di Noord hunto cu esun di Santa Cruz a ser dirigi riba e caminda di santo patras di Aruba Bank Hato. Eynan lo tin un Getz color berde scur numera A-66141 cu un persona cu tabata bezig ta maltratando su ex pareha. Mesora e patruya a yega na e sitio menciona y a topa cu e auto. E windshield dilanti tabata tur kibra. Ora polis a acerca e auto a topa cu e personanan pleitando. Mesora polis a hala nan atencion. Polis a halanan for di otro. E homber a wordo pidi pa bandona e sitio. E muher cu parce ta ex pareha a wordo hiba su cas pa Polis mes. Polis kier a evita cu e ta sigui haya golpi.
