Awe diadomingo pa 1:40pm a drenta un melding via Central di Polis avisando cu na altura di Renaissance Island tin un boto cu problema cu motor. Mesora a activa e departamento di Polisnan maritimo cu a sali cu boto pa busca drechi di e boto cu problema riba lama.
Pa mas o menos 2:15pm Polis Maritimo a topa e boto cu matricula A-2359 cu 2 persona a bordo. A tou e boto y su tripulantenan na canto na Surfside Beach dilanti ex cas di Gobernador. Nan a yega bon y a keda di bay revisa kico lo por a pasa e motor.
