Diahuebs atardi alrededor di 5:30 pm polis a presenta cu urgencia den Brikstraat conecta cu Balanderstraat p’un escape di gas. Na yegada di polis, por a scucha e presion halto di gas cu tabata sali for di e boter di gas. E tabata un scenario peligroso, tanto pa e bida di e polisnan na sitio como henter e bario.
Polis no por a drenta den cura di cas mirando cu e doño no tabata na cas y tabatin un cacho brabo den cura. Un rato despues e doño a yega na sito y a habri porta pa e agentenan.
E polisnan mes a riesga nan bida y cera e boter di gas. Personal di Arugas tambe a presenta p’asina atende cu e boter di gas. Brandweer tabata riba un standby pa cu e situacion serio aki. Danki Dios, tur cos a cana sin ningun incidente.
