Durante un control awe merdia wardacosta a detecta un boto local di piscado ta nabega den awa teritorial di Aruba. Abordo a nota un situacion sospechoso. Ta trata di un boto bou nomber di La Reina. Di leu a mustra manera tabatin dos persona abordo. Ora a acerca e boto, a nota cu tabatin mas hende den e boto. Nan tabata drumi riba otro ta purba sconde.
Aki e team di wardacosta a aborda e boto mesora pa tene un control. A resulta cu tabatin nuebe persona indocumenta abordo. Na banda di contrabanda di hende, a topa cu arma di candela y municion. E proceso di investigacion y lo cuminsa awo. A transporta e personanan indocumenta pa Guarda Nos Costa y e tripulante y su capitan pa Cuerpo Policial pendiente e proceso penal.
