Diahuebs atardi alrededor di 5:00 pm a sosode un accidente na altura di Aruba Bank na Hato, net n’e salida di e parkeerplaats di Elmar Hato. Un brommer di polis y un auto marca Audi t’esunnan envolvi.
E Audi a sali dilanti di e brommer di polis cu consecuencia cu a dal contra di e bumper dilanti. E daño tabata minimo, tanto na e brommer como e auto. E polis a resulta levemente herida, tabata keda di basta dolor na su pia y heup. Ambulance a presenta na sitio pa check un cu e otro agente herida, na final no tabata necesario pa transport’e pa hospital.
