Pa algun siman caba tin basta ladronicia ta tuma lugar den e area di Noord. Diferente area di e zona di Noord ta kibra drenta cas di hende. Hendenan ta bay traha y durante cu nan ta na trabou alarma ta activa. Bisiñanan ta basta uni ultimamente y a dicidi di bay den accion pa cuida henter e area di Noord.
Ta move rond riba cada cos sospechoso. E guy riba e foto aki mes ta uno cu ta core riba bicicleta durante oranan di dia. Su movecion sospechoso a pone cu bisiñanan ta avisa Polis. Polisnan di Noord ta atento tambe pa e yamadanan di bisiñanan. Diabierna den oranan di dia a detene na un adres na Turibana. E tabata cerca na un adres conoci di Polis. El a gaña Polis su nomber y pesey mes nan a bay over na su detencion. E homber ta un persona naci na Republica Dominicana y tin paspoort Hulandes. Despues di atende cune na warda a logra saca cierto informacion importante for di dje. No a tene sera. Despues di interogacion a lage liber. Habitantenan cu tabata activo ta saca grabacion y potret di tur movecion cerca di nan cas. Y e persona aki ta un di nan cu tambe ta aparece na momentonan straño den forma sospechoso riba bicicleta.
