Diadomingo anochi polis di Playa a haci un detencion na Tanki Leendert. E homber desendiente Asiatico ta biba na Aruba y traha na Aruba. E ta basta jong. E tabata cu su mama den auto. E tabata stuur y mirando su forma di core auto a pone cu polis a par’e pa control.
Den e proceso ora di baha caminda el a dal den un auto para dilanti un cas. E no ta un bon chauffeur. Polis a detene pasobra e no tin rijbewijs. Core sin rijbewijs ta un delito na Aruba. Bo por perde bo libertad mesora.
Polis a bay purba comunica cu e mama y e yiu pero tabata dificil. E mama tin 12 aña na Aruba y te awe e no sa Papiamento. Polisnan a bay riba nan telefon y cuminsa Google e splicacion cu nan kier duna e mama y e yiu homber sospechoso geboei.
E no tabata facil. Despues di basta Google y pasenshi di e agentenan di Playa, finalmente a logra bay cu e chauffeur warda di polis na Oranjestad pa sigui e proceso. Un conocir chines cu a pasa a para y atende cu e mama. A bise pa bay warda di Playa pa asina busca drechi di su yiu. E mama ta traha den supermercado chines.
Aunke e tin 12 aña na Aruba y no sa papiamento, asina mes e mama tin un rijbewijs valido. Pesey mes e por a sigui cu e auto.
