Actualmente ta tumando luga na Glasgow, Escocia e conferencia riba cambio climatico, COP26. Den cuadro di esaki, awe tardi Minister di Economia, mr. Geoffrey Wever, a biaha pa atende e conferencia di cambio climatico. Wever a informa cu e lo representa gobierno di Aruba na e conferencia di COP26, unda cu e lo atende diferente evento.
Tin henter un skema hinca den otro, unda cu e lo reuni cu diferente partner y scuchando diferente opcion pa Aruba.
Pa Wever esaki ta prome biaha cu e ta representa como Minister den e conferencia aki y alabes ta su prome biahe di trabou. Ta spera di por traha ariba relacionnan, conoce hende riba tereno di desaroyo sostenibel y crea relacionnan unda cu por intercambia di idea, scucha cual ta e opcionnan cu tin pa Aruba eyfo.
pa un relato mas amplio, lesa TREMPAN, di mañan