Peruanan no ta celebra con cu ta ora nan ekipo nacional hunga futbol. Nan ta celebra den gran forma, unda cu nan por ta rond mundo. Aki na Aruba esey no tabata un excepcion tampoco. Awe marduga pa mas of menos 1:00 am a pidi presencia di polis pa un homber cu a cay y tabata benta na suela dilanti ex-edificio di Aduana riba L.G. Smith Boulevard net banda di Crystal Casino.
Na yegada di e patruya di polis, a topa un homber berdad, pero e tabata sinta trankil di dje banda di Louis Vuitton. A papia cu ne y el a splica polis cu e ta celebrando pasobra Peru a gana Venezuela cu score di 1-0 den wega eliminatorio di futbol di CONMEBOL. E wega a tuma luga na Peru mes y e pais a gana “Vino Tinto” na cas!
Pero autoridad a splic’e cu ta poco peligroso pa anda marduga cu e curpa poco cansa asina. A resulta cu e fanatico fiel aki di futbol Peruano ta biba den area di Socotorolaan. Polis a bis’e cu chollernan por atac’e y cu e mester cuida curpa. E kiermen e conoce e chollernan. Finalmente a bis’e cu e no por keda sinta eynan y cu e mester bay su cas.
E mes a lanta y despues di duna polis su personalia, el a cana bay cas sin mucho problema. Su celebracion a bay bon despues di wega unda su pais a gana. Solamente su curpa no tabata duna mas.
