E sospechoso Elton Geerman di 28 aña di edad, separa cu ta sospech’e di a abusa di su mesun yiu muhe di criansa, tambe e ta yiu di un polis cu ta investiga sospechosonan den baho mundo. Su mama ta un recherche cu ta atende cu casonan pisa y delicado. E criminalnan grandi den KIA a tende cu e t’eyden y parce cu mesora a pone un suma di mil florin pa esun cu logra likid’e den prizon.
Cu caracter di urgencia a saca e sospechoso for di KIA pa evita cu nan ta elimin’e di e forma aki. E ta cera awo den cel na un warda di polis pa su propio siguridad. Ta evalua si lo saca e criminal cera den KIA den baho mundo y mande otro pais den reino. Of tambe otro opcion ta manda Elton pa otro prison den Caribe Hulandes of hasta si ta mand’e te Hulanda. Tur cos ta indica cu lo traslada Elton Geerman pa un otro prison. Pa e articulo completo, lesa e edicion di TREMPAN di awe.
