Pronostico di tempo valido te dialuna atardi 6:00 pm ta shelo parcialmente nubla cu un awasero pasahero te breve. Den marduga variablemente nubla cu un awasero pasahero te breve.
Situacion general di tempo pa proximo 24 ora: Humedad y instabilidad den region induci pa un disturbio den partinan mas abou di atmosfera y den parti oost di Caribe lo pone temporalmente
basta nubia pasa riba nos. Den proximo 24 ora esaki lo produci algun awasero pasahero te breve cu chens tambe pa strena cu lamper. Localmente awasero por ta fuerte y por causa molester.
Condicionnan maritimo/ estado di lama: Ta spera un estado di lama leve na partinan protehi y modera na partinan zuid. Na partinan oost te noordwest lama lo ta modera te bastante bruto na costa cu olanan entre 4 pa 6, localmente 7 pia.
Aviso/ alerta: Durante dialuna por sinti algo di labadera na costanan oost te noordwest produci pa horcan Larry cu por haci e partinan di costa aki poco bruto. Un aviso pa boto chikito lo drenta na vigor awe 6:00 am. Tambe un aviso pa oleaje halto na costa lo drenta na vigor dialuna atardi 6:00 pm.
Tempo tropical significante: Horcan Larry tabata situa riba atlantico central, na un distancia grandi oost di islanan ariba y ta move noordwest. Larry ta solamente un molester pa navegacion maritimo.
Pronostico di tempo pa proximo 3 dianan: Shelo lo ta parcialmente nubla cu un awasero pasahero te breve. Biento lo ta for di direccion oost y modera te basta fuerte; fuerte te posiblemente duro den rafaga; Temperatura (grado celsius) max/min lo ta: 33 / 28.
