Papia di mala suerte of coincidencia, unda dos persona bao influencia di alcohol a bin ta topa otro pero no di un forma festivo. Diasabra den careda di 3:40am, un accidente a tuma luga na e rotonde di Mahuma, n’e T-Kruising di Mahuma bayendo direcion Sta. Cruz.
Aki ta caminda un motociclista di un quadracer MFA-1032 a bay dal contra un Lexus color blanco cu number A-70185 cu tabata bayendo direccion St. Cruz. Ambos persona tabata burachi y lo mester presenta dilanti un sub fiscal pa responsabilisa nan mes pa core den trafico bao influencia di alcohol.
Aparentemente e quad lo a dal contra e Lexus pa algun motibo of otro cu sea no a mir’e of reacciona na tempo.
Polis a pone ambos persona supla, y tur dos a surpasa e limite permiti. Ambos a keda deteni y transporta pa warda di polis.
