Awe nochi pa 9:20pm a start un pelea formal entre bisiñanan den Caya Frere Henricus situa den Paradijswijk. Dos bisiña a bringa cu otro, un di nan a hinca e otro den cabes y tambe den lomba.
Despues di su acto el a core bay su cas y sconde pa polis. Ambulance a presenta na sitio pa atende e victima y despues transport’e pa hospital. E sospechoso, cu a sconde den su cas, a hay’e confronta cu polis a rondona su cas completo sperando ordo di Fiscal pa por drenta e cas y detene e sospechoso.
Ora el a nota cu tabatin hopi polis rond di su cas ta busc’e, el a dicidi cu su mes ta sali for di cas y entrega su mes. Mesora a deten’e na e sitio y transport’e pa ward’i polis na Santa Cruz pa mas investigacion. Ora e sospechoso a habri e porta, polis a haya un holo basta fuerte di marihuana ta sali di e cas.
A cuminsa busca den e cas pa mira si por a topa algo ilegal pero no a haya nada, tampoco e arma blanco cu a uza durante e pelea.