Den e buki di Daniel capitulo 1:8 ta bisa: “Daniel a propone den su curason di no contamina su mes cu e miho cuminda di rey, ni cu e biña cu rey tabata bebe, tanto Daniel como su amigonan a haci mesun cos y nos tur por a mira nan recompensa di parti di Dios den versiculo 17. Pasobra nan a para firme.
Den Daniel Capitulo 6:16 Daniel a demostra cu e no ta adora ningun hende ni tampoco idolo y e consecuencia tabata cu a tir’e den cueba di leon y e no a haya ningun daño na su curpa. Pasobra Daniel a confia den Señor.
Awo e palabra di Dios ta siña nos pa para firme, pasobra manera e mundo ta bayendo, e enemigo ta purba tur manera pa bruha cabes di hende. ya hopi a perde cabes y tambe perde nan famia pa falta di temor di Dios.
Palabra ta bisa den 1 Corintios 16:13: “Sea alerta, para firme den fe, actua manera homber, sea fuerte.”
Pidi Dios libra bo di materialismo, machismo, arogancia, cual ta cos cu ta destrui famia y no ignora e plannan di e enemigo.
Galatas 5:1 ta bisa nos: “Ta pa libertad Cristo a haci nos liber. P’esey keda para firme y no sea someti atrobe na e yugo di sclavitud.
Mayornan mester ta firme para den nan relacion cu Dios, sino lo bo tin hopi dificultad, cu bo yiunan den e tempo aki pasobra, e diabel tin hopi triki, pa haci e hubentud daño.
Para firme den bo matrimonio pasobra adulterio ta un pica di bobedad.
Nos mester para firme den Señor pasobra Señor conoce tur esunnan cu ta di dje.
1 Pedro 5:9 ta bisa: Ma resisti (diabel) firme den boso fe, sabiendo cu boso rumannan den henter mundo ta pasando den mesun experiencia di sufrimento.
Ta propaganda Maldad asina bunita, cu hende mester para firme y salvaguardia nan integridad y nan famia.
Locual antes tabata rechasa awo a bira cos di aplaudi. Hende ya no tin e respet mas pa nan mes ni tampoco pa nan hogar.
Si un hoben no ta guia pa su mayornan pa para firme y aparta di maldad, mañan cu Dios kier tur dos lo lamenta.
Nos ta den un tempo cu tur cos mucha ta Google y e experiencia precioso di bida no ta comparti mas door di e mayor pa su yiu.
Palabra di Dios ta bisa nos cu Cristo Hesus ta e baranca y esun cu establece su bida y su cas riba e baranca cu yama Cristo Hesus lo no tin miedo di mal tempo.
Pero esun cu construi su cas den santo ta considera como un homber bobo y cu ora mal tempo presenta e por perde tur cos.
No laga ningun hende gaña bo ni tampoco desvia bo for di e caminda di Dios. Para firme pa abo y bo cas ta salba.
Para firme pasobra e binida di Cristo Hesus ta cerca.
