Manera nos a tuma nota Gobièrnu di Kòrsou no ta dispone di e fondonan e aña aki pa dekorá sentro di siudat pa Pasku manera nos ta kustumbrá.
Esaki a resultá den un bashí masha grandi pa loke ta ambiente di Pasku ku nos ta kustumbrá kuné. Den kuadro di esaki mi ke hasi un petishon na Presidente di Parlamento pa por eksplorá e posibilidat pa for di fondo di Parlamento por adoptá dekorashon di Pasku di e kaya mas importante di nos siudat Breedestraat Punda. Mirando ku e tempu ta kòrtiku pa por logra esaki mi ta spera ku mas pronto posibel mi por haña un kontesta riba e petishon aki.
