Parlamentario Wimbert Hato kier aklará e persepshon robes kreá rondó di su persona

Parlamentario pa partido MAN sr Wimbert Hato resientemente a hasi un biahe di trabou pa México kaminda tres komishon di Parlatino a reuní. Organisashon di e e reunionnan tabata den man di Senado di México ku a sòru pa organisá esaki.

Na final di dia despues di e reunion senado Méxicano komo pais anfitrion a organisá un agasaho pa e partisipantenan i komo parti di nan kultura tabatin músika di mariachi.

Dunando rekonosementu na nan kultura, parlamentario sr Hato tambe a partisipá i a kanta miéntras e mariachi tabata tokando. E momentu ei a ser inmortalisá pa sr. Hato mes i e la kompartié e video ku su amigunan den e mundu di deporte. Di un manera òf otro e video a yega retnan sosial ku a duna un konotashon negativo na e video. Ta normal ku despues di e seshonnan di reunion di Parlatino ku e pais anfitrion ta organisá sea un tour òf un sena pa partisipantenan i e biaha aki esei tambe tabata e kaso.

Resientemente tres komishon di Parlatino a reuní aki na Kòrsou i nos tambe a organisá un agasaho pa nan i nos tambe a probechá propaganda nos kultura. Manera ta konosí sr Hato ta un di e poko parlamentarionan ku semper ta saka un relato di su trabounan hasí i ta publiká esaki den prensa i tambe entrega su relato na Parlamento i ku esaki den mayoria kaso ta reflehá den su disertashon den Parlamento tambe.

Comments

comments