Diabierna den careda di 10:00PM polis tabata haci control den Caya Jose Geerman. Den e caya aki nan a mira un auto Suzuki color blanco tabata core malo.
E agentenan a duna ordo p’e para banda di caminda. Aki nan a bay haci control na e auto cu tabatin dos persona. E agentenan a ripara cu ambos persona tabata bou di influencia di alcohol. Nan a scual e pareha di ta core bou influencia. Despues di a papia cu nan, e agentenan policial a bisa di ta laga nan bay, pero e condicion tabata cu nan ta bay direct cas pa sosega curpa.
Tambe a recorda nan riba e consecuencianan di peliger di core auto bou influencia di alcohol of cualkier otro substancia.
