Diabierna den careda di 10:00PM na altura di Weg Sero Preto a pidi presencia di polis pa un caso di maltrato. Na yegada a informa e agentenan policial cu un homber tabata bati su pareha den auto.
E agentenan a cuminsa cu un buskeda den e area pa un Hyundai color shinishi. Na altura di Grot di Lourdes e agentenan a bin topa cu e auto. Di biaha a duna ordo na e chauffeur p’e para.
Asina cu e homber a para, e agentenan a dun’e ordo pa baha di auto. Aki a deten’e pa maltrato y mesora a transport’e pa ward’i polis pa ey e duna cuenta di su acto cobarde.
