Romar Trading ta participa cu dos grupo den parada di Flambeu, Fakkel. Durante e parada, ROMAR Trading lo distribui cerbes di mashin, esta draft beer. E participantenan mes mester yega cu nan mesun cups durante e parada.
Esaki ta un paso innovativo, asina Dyantha Ruiz, Heineken brand manager di Romar Trading, a expresa. El a sigui indica cu Romar Trading ta dispuesto di tuma e pasonan pa un futuro mas sostenibel y trece conscientisacion pa medio ambiente.
Den añanan anterior despues di parada, semper tin bleki, boter tira rond. Y tur esaki ta un esfuerso cu Romar Trading a tuma conhunto cu Los Laga Bay y TOB. E dos gruponan aki a deposita un biaha mas confiansa den Romar Trading y su productonan pa tin un Aruba mas limpi y pa produci menos sushi despues di parada.
E participantenan mes mester bay cu nan mesun tumbler of cups pa ora di busca algo di bebe na bar dje gruponan. Ruiz a invita tur participante di TOB y Los Laga Bay pa presenta cu nan mesun cups of tumbler. Romar Trading tin e ekipo capacita cu lo sostene e staffnan di bar di ambos grupo pa asina nan por sirbi e cerbes bon friu durante henter e parada.
