Den oranan trempan polis a presenta pa detene dos turista femenino, pasobra e piloto a informa pa baha nan pa motibo cu nan tabata betra. E turistanan no tabata contento cu esaki y a vocifera esey.
Lito Lacle, vocero di polis, a indica cu capitan di vuelo 1755 di aerolinea Sun Country direccion Minneapolis a bati alarma pa dos pasahero bou influencia di alcohol. Nan tabata bringa cu otro pasahero y el a yama polis.
Aki polis a bay abordo y baha e personanan aki. Na momento cu a baha e dos personanan aki a cuminsa bringa y resisti contra polis.
A pidi asistencia di mas polis pa por a trankilisa e situacion. E detencion no tabata facil, pasobra un di e turistanan Mericano a purba morde un agente policial. Esey a pone cu a bay na suela cu ne y a pone den boei. Na yegada di transporte policial, a hiba nan pa un di e wardanan.