Diasabra atardi 6:40 pm a sosode un accidente den Flacciusstraat, Playa. Esaki a pasa na momento cu e Hyundai i10 color blauw cla tabata bin di Driemasterstraat, unda e chauffeur a bira na su man drechi y a coy e birada mucho grandi.
Net e momento ey tabatin bin un Hyundai Accent color blauw scur y nan a topa otro semi frontal. Un persona femenino a resulta herida y a pidi presencia di ambulance.
Na yegada di ambulance, di biaha e paramediconan a cuminsa atende cu e persona herida y a nota cu el a fractura su pia. Despues cu nan a stabilis’e, a transport’e pa hospital. Forensys 165 a presenta na e sitio, pa tuma informacion di e accidente y por traha e rapport pa compania di seguro. Ambos auto a sufri daño material n’e parti dilanti.
