Awe, 26 di januari, ta Dia Internacional di Aduana y en conexion cu e dia aki, e duaneronan a tene un mainta di celebracion. A cuminsa c’un santo sacrificio di misa y despues a tene un desfile te na Club San Martin. A conta cu presencia Prome Minister di Corsou, Gilmar Pisas, como Minister di Finansa, mr. Xiomara Maduro.
Ricky Croes, director di Aduana, a indica cu riba e dia aki por para keto y reflexiona rib’e importancia di nan trabou. E importancia dje trabou di duana pa Aruba. Pa loke ta e tereno fiscal nan ta trece e recursonan necesario cu gobierno mester pa por financia su gastonan. Di otro banda, riba e tereno non fiscal, nan tin un importancia grandi pa para tur locual ta ilegal, cu ta dañino pa salud como economia na frontera.
Segun e director, e aña aki nan ta bay traha p’e trahadonan por haya mas conocemento. WCO (World Customs Organization) a declara cu e aña aki den cuadro di aporta conocemento p’e futuro generacion. Asina ey Aduana por keda cu e conocemento, sigui traha y modernisa.
