Suzenne Stoorvogel, miho conoci como “Suzy”, ta traha cu un compania cu ta atende diferente trabou na aeropuerto. Nan ta atende avion, chek inn di pasahero y control di siguridad prome cu e yega Migracion Mericano.
Diabierna atardi a deten’e, hibando turista den rolstoel pa avion. Dilanti tur hende, trahando y turista biahando, a haci e detencion. Te asina leu, su detencion e momento ey no tin di haber cu su trabou.
Kisas cu e sospecho mester wak bon si e ta maluza su trabou pa practica incorecto, por ehempel, coopera pa droga pasa bay. E sospecho awor aki ta droga cu a yega via post y e t’esun responsabel pa e droga cu a yega.
Ta trata aki di miles di pildo di XTC cu awor ta confisca. Pa algun dia caba tabata busca Suzenne Stoorvogel. No tabata sa unda e tabata move. A resulta cu e ta traha den un area vulnerabel na aeropuerto. A deten’e na pia di trabou dilanti tur esnan presente.
Na un prome instante a kere cu ta algo cu su trabou pero no ta e caso. Mas bien ta locual e lo a a atende banda di su trabou, via postkantoor. Pero como cu e tin acceso na aeropuerto, a dicidi di deten’e mesora, pa evita cu e ta uza su “badge” pa sigui manda droga den exterior.