Un rato pasa a tuma luga sorteo # 1614 di Mini Mega di Fundacion Lotto pa Deporte. E numbernan cu a sali ta 01-02-13-17 y mega ball ta 11. No tabatin ningun ganado di e prome premio.
Consecuentemente, pa diahuebs awo e premio a crece te cu 1.125.000 florin.
Record di Lotto di Aruba
Mester menciona cu e premio record di Lotto 5 ta esun di Afl. 2.200.000,= cu Iris Franken, chauffeur di autobus B-119 a gana na mei 2023. E record di Mini Mega Plus tabata di dia 27 di juni 2017, ora cu un solo hungado a gana e premio grandi di Afl. 3.700.000,=.
Tocante Lotto pa Deporte
Lotto, e loteria di Aruba ta existi desde 1982 y tin diferente wega; Catochi, Big 4, 1-OFF, Zodiac, Wega di Number Korsou, Lotto di Dia, Lotto 5, Mini Mega cu su Mega Plus y e weganan di Raspa y Gana. E fundacion a sa di crece benta di e productonan durante e ultimo añanan te alcansa un record na 2022 di 56 miyon florin! Cumprando Lotto bo ta contribui na deporte riba nos isla. E meta ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.
