Recientemente Naamloze Vennootschap Electriciteit-Maatschappij Aruba “ELMAR”, a introduci “ELMAR Academy”, den cual ta ofrece curso online y ‘klassikaal’ na empleadonan, pa asina nos logra sigui amplia nan conocemento.
Un otro forma cu ta traha pa prepara empleadonan ta den e ‘Talent Management’. Como parti di e proceso aki ELMAR a firma un ‘studieovereenkomst’ cu Jaspal Singh. Esaki ta un momento importante pasobra ta prome biaha den historia cu ELMAR ta ofrece e oportunidad aki na un empleado.
Anthony Irausquin, Managing Director di ELMAR, a gradici e Departamento di recurso humano pa nan esfuerso pa logra e meta aki y a felicita Jaspal cu e oportunidad aki.
Jaspal Singh mes ta stima traha cu cliente y ta sinti un gran satisfaccion pa restaura nan coriente den caso di interupcion. E ta gradici su mayornan pa semper encurash’e pa sigui pa dilanti.