Aunke chikito pero e ta important’e pa organisa eventonan carnavalesco pa engrandece carnaval na Aruba. Ta netamente locual Colegio San Hose ta bezig cu ne tambe.
Esaki ta di dos aña cu nan ta organisa nan propio eleccion di Reina y Prins cu Pancho. Nuraisa de la Cruz-Lispier ta maestra na Colegio Hose, durante un entrevista cu TREMPAN.com el a conta cu e actividad ta netamente pa e muchanan.
Tur cos a cuminsa n’un idea cu awe pocopoco ta creciendo. Ta organis’e den oranan di atardi pa anochi p’asina sigura cu mas mucha y mayor presenta. Tin hopi mucha cu kier bay stadion pero no tin e forma y den e formato mas chikito aki na scol ta hacie cu toch ta posibel pa nan cuminsa sinti e emocion di ta riba stage. Pa bay stadion ta bin cu su costonan cu ne tambe.
Na scol ta conta cu apoyo di e maestronan y mayornan. Den klas ta prepara, corta y lijm p’asina dia di eleccion, e klas ta bon representa. E eleccion riba su mes ta masha simpel, ta consisti di un speech y un baile di dos minuut.
E creatividad ta uno inmenso, locual nan ta bin cu ne ta casi riba nivel pa bay stadion caba. Na final Lispier a laga conseha como mensahe pa disfrut’e sanamente. No ta necesario pa bay parada grandi y inverti miles djis pa disfruta carnaval, atendiendo actividadnan carnavalesco di scol tambe ta conta.
