Tropical Bottling Company (TBC) a cuminsa cu e produccion local di “Sprite No Sugar”. Aruba ta un di e prome paisnan cu ta introduci e producto aki den region cu e receta di mas nobo, cu pronto lo ser produci na e paisnan den bisindario tambe.
E introduccion na Aruba, cu a tuma luga durante e programa di carnaval “Den dje” a toca nada menos cu Ivo Yanez pa ta un di e prome nan pa purb’e, a ser revela den grandi pa Aruba and riba Live TV sigui cu diferente sampling na supermercadonan renombra den cada districto na Aruba. E presentado di e programa “Den dje” a para su presentacion pa e por saboria e delicioso Sprite No Sugar.
Sprite No Sugar ta un bebida refrescante cu no ta contene sucu, no tin caloria, no tin cafeina, e ta un alternativa mas saludabel. Excelente pa e calor di Aruba.
Actualmente 39% di e portofolio di e emboteyado local ta consisti di productonan sin sucu. Meta di e emboteyado ta pa su variantenan sin sucu haya un rol principal den tur su expresionnan di mercadeo. E prome test di Sprite No Sugar a resulta positivo, considerando cu tur hende a duna di conoce cu apenas bo por distingui e sabor for di e receta original di Sprite.
“Nos a presenta un variante moderno di e refresco cu ta 63 aña bieu y ta asumi cu e lo tin exito mescos cu e receta original. Nos meta ta pa tin un portofolio cu ta cuadra cu e necesidad y deseonan di nos cliente y consumidonan y nos ta convenci cu e lansamento aki nos a dal un paso grandi den e bon direccion!”, segun Rowald Werleman, Marketing Manager di TBC.
Sprite No Sugar ta wordo produci den bleki di 12 Oz y ta obtenibel na tur supermercado y na e diferente establecimentonan di horeca.
