Despues di eksitoso Pasku Solidario di frakshon di MAN aña pasa unda a parti mas ku 200 pakete di Pasku rònt Kòrsou pa esnan den nesesidat nos ta kontinuá ku esaki e aña tambe. E temporada di Pasku ta sinónimo pa bondat i solidaridat.
Mirando e situashon difísil ekonómiko di hopi hende den nos komunidat ta konfrontá nan mes kuné frakshon di MAN ta di opinion ku nos mester duna un man. Asina aki aportá na e sentimentu di solidaridat ku ta un di nos pilarnan di nos ideologia di Partido MAN. Djasabra 24 di novèmber i 1 di desèmber di 9 or di mainta pa 12 or di mèrdia na Sede di MAN na Rooseveltweg nos ta bai yuda kolekta alimento pa nos rumannan ku mas mester di esaki. Ban pasa supermerkado den wikènt hasi bo kompranan i kòrda riba nos rumannan i trese nan na Sede di MAN.
E paketenan di Pasku aki ta kombustibelnan ku a wòrdu hinka den otro ku produktonan balansa pa un dietista. Pa asina no solamente kontribuí na e parti di alimententashon sino tambe parti di nutrishon bon balansa ku importante ku kada unu di nos mester atkerí.
Di e forma aki nos ke aportá na kasnan di famianan ku nan tambe por tin algu èkstra riba mesa durante e bunita dianan di pas ,amor i hermandat aki. Abo tambe por duna un man solidario aportando ku e siguiente produktonan aki:
- pasta,aros,funchi, mashe potatoe di paki
- berdura di bleki òf pochi
- lechi bleki,paki òf puiru
- bleki di corned beef, paki bakiou,tuna, sardinchi,spam,worst
- pinda kaas, jam, chocolade pasta, muisjes.
- zeta pa kushina
- te , kòfi , ovomaltina, djus
- kèchup, suku, salu
- fruta na bleki òf pochi
- algu di bo kurason
Kòrda tuma nota di e fecha di vensementu!
Na nòmber di frakshon di MAN nos ta gradisí kada unu di boso pa boso aporte den e temporada bunita aki pa nos rumannan den nesesidat demostrando solidaridat no solamente ku palabranan sino ku aktornan konkreto.
