Un di e sospechosonan den caso Flamingo, e presentado di noticia, Hans Geerman recientemente a yega n’un acuerdo financiero cu Ministerio Publico.
Diahuebs, durante su conferencia di prensa, Otmar Oduber, a señala cu no ta pasobra cu Geerman a yega n’un areglo, esey ta nifica automaticamente cu el a admiti su culpabilidad. Tin mas di un periodista/presentado di noticia cu a yega di traha cu e diferente asignaturanan, cu e diferente gobiernonan cu a yega di goberna nos pais. Esey riba su mes, no ta nada malo. Nan tur ta traha como presentado di noticia of nan tin un compania di mercadeo.
Bou di e Gobierno aki, tin diferente presentado di noticia cu te dia di awe ta traha bou di Gobierno di Evelyn Wever-Croes y esaki a sosode den tur gobierno, sin excepcion.
Loke pa Ministerio Publico ta castigabel, t’e echo cu Geerman no a traha. Pa Oduber, si Geerman no a traha, e ora, con por ta posibel cu ta persigui Otmar Oduber?
Si Hans Geerman a traha cinco luna bou di Otmar Oduber, nuebe luna bou di Marisol Tromp y el a traha shete luna cerca Bureau di Minister Presidente. El a caba su contract y niun hende a kit’e for di trabou, mientras cu e investigacion tabata tumando luga caba. E tempo ey caba tur hende tabata sa cu e tabatin tres ‘spookambtenaar’.
Pa mas lesa TREMPAN.
