For di awe inciadornan den e parti Caribense den Reino por registra pa Appeltjes van Oranje di Oranje Fonds. E tema di 2019 ta ‘E poder di hasi mas huntu ku boluntarionan’.
Oranje Fonds ta busca organisacionnan social-comunitario, cu riba un manera special sa di mobilisa boluntarionan y activa nan pa uni hende di forma duradero cu otro. Inscripcion ta te dia 14 di october riba www.oranjefonds.nl/appeltjes. Den luna di mei 2019 Reina Máxima ta otorga e premio den Palacio Noordeinde na Den Haag.
Nos ta buscando organisacionnan cu mediante nan procedimento, forza inovativo y pasion a logra algo berdaderamente extraordinario y hunto cu nan boluntarionan a uni hende di forma duradero.
Ken lo por haci esaki miho y mantene e boluntarionan activo di forma permanente?
‘E poder di hasi algu huntu’
Peter Douwes, director di Oranje Fonds: “Nos ta kere den un sociedad cu ta socialmente envolvi unda tur hende por participa. Pa logra esaki bo mester di hende cu ta dispuesto pa lora manga, traha y keda haci esaki cu pasion, tur dia atrobe. Boluntarionan ta crucial. Pesey Oranje Fonds ta sostene iniciadornan kende por uni boluntarionan pa conhuntamente traha pa un prohimo.”
Criterio
Proyectonan cu kier un chens pa logra haya e Appeltje van Oranje 2019 mester cumpli cu algun condicion. Nan mester tin un vision cla y un enfoke exitoso pa cu aplicacion di boluntario. E iniciativa mester ta transferibel y tin un funcion ehemplar. Por haya tur criterio di participacion riba www.oranjefonds.nl/appeltjes.
Premio
Appeltjes van Oranje ta wordo otorga anualmente na tres proyecto social cu exitosamente ta uni diferente grupo di persona cu otro y ta sigura cu e personanan aki ta bolbe participa den comunidad. Tur aña e tema ta diferente. Tur ganado di un Appeltje van Oranje ta ricibi un statua di brons, crea pa Princes Beatriz y un suma di 15,000 euro. Tur aña Reina Máxima ta otorga e premionan. Den añanan di lustro, Rey Willem-Alexander ta haci esaki.
Oranje Fonds
Fondonan di Oranje Fonds ta boga pa garantisa cu tur hende den comunidad por participa. Pa e motibo aki nos ta apoya proyectonan social cu ta uni personanan den Reino Hulandes. E apoyo aki ta consisti den forma di placa, atencion y conseho. Rey Willem-Alexander y Reina Máxima ta e pareha patrocinador di Oranje Fonds.
