Den un entrevista duna na 24ora.com, presidente di Organisacion di Pensionado Publico di Aruba (OPPA) a splica e situacion fastioso cu varios pensionado publico ta pasa aden, cu ta inhusto y ta wardando un decision di hues riba dje. Ta trata di esunnan cu a entrega 22% tempo cu laga a cera, pero cu door di a baha pensioen na 2015, no ta bin na remarca mas pa haya restitucion completo.
Tempo cu refineria Lago a cera na 1985, Aruba a conoce un tempo dificil den su economia, pa cual pensionadonan publico a entrega parti di nan salario. Ora cos a drecha, gobierno a bay di acuerdo pa paga e 22% aki bek a traves di e asina yama inhaalmaneuvre y ahuste di salario. Sinembargo, a resulta cu e sumanan aki tabata demasiado halto pa gobierno paga bek.
Despues di a sinta cu sindicatonan, a yega na otro palabracion cu ta inclui ATV dagen, bashipremie y gelijkbedrag den forma di un lumpsum na januari y na november respectivamente. Esey a keda regla den un ley na 2014. Sinembargo, durante negociacion pa cambio di NPR 2011 pa NPR 2014, “den mi opinion nan (lesa: gobierno) a pasa e sindicatonan un fastball pasobra tur e pensionadonan cu a bay cu pension despues di 1 di januari 2015 ya no ta bay haya e dos sumanan ey,” asina Valdes a bisa, aclariando cu na 2014 e no tabata den sindicalismo, ni tampoco tabata pensiona ainda.
Pa e relato completo, lesa edicion di TREMPAN
