Recientemente a tuma luga na Colombia, e eleccion di Miss Queen of Nations, den su categoria Plus pa 2022, cual ta prome biaha cu ta bin cu e categoria aki.
E certamen aki a tuma luga na Bogota, Colombia, caminda cu tabata tin un total di 30 candidata, reparti den diferente categoria. Geraldine Kock tabata ta un digno representante di Aruba. Unda cu e la bay, e tabata hala masha hopi atencion, tanto pa su beyesa pero tambe pa su inteligencia.
Tabata algun dia c’un schedule hopi druk, unda cu e compromisonan pa cu e certamen, debi na e corto tempo entre e yegada di e candidatanan y e certamen mes, no tabata laga mucho tempo liber atras.
CERTAMEN
En total tabata tin un total di 30 candidata, den diferente categoria. Pero den e categoria den cual Geraldine a competi tabata tin solamente cuater candidata: Aruba, Chile, Venezuela y Uruguay.
E prome dia tabata tin un Show di Moda, cu tabata consisti di Trahe Tipico/Fantasia, Trahe di Baño, Traha di Gala. En total pues tres premio, di cual a Aruba a sa di gana dos di nan. Di e categorianan aki Aruba a gana e premio Trahe Tipico/Fantasia y tambe Top Model, cual ta premio pa esun cu mas a resalta ariba escenario e anochi aki. Sigur un logro importante pa un persona cu no tin experiencia den e mundo di beyesa of mundo di pasarela
E certamen a consisti tambe di categoria di Trahe di Fantasia, Trahe di Baño y Trahe di Gala
Riba e anochi di e gran final, Geraldine ta logra bin cu e corona maximo pa Aruba.
El a gradici su ekipo di Miss Plus Internacional cu a yud’e den su preparacionnan pa cu e evento.
Cu e logro aki, Geraldine ta spera di por curasha mas hende muhe plus size pa kere den nan mes y pa no laga nada strobabo di logra bo soñonan.
KEN TA GERALDINE KOCK
Geraldine Kock tin 26 aña y ta un entrepeneur local. E ta e ruman mas chikito di un total di tres ruman. Si e por a describi su mes e lo a bisa cu e ta un persona hopi alegre, spontaneo y creativo. Su meta ta pa caba su estudio na EPI Sector Salubridad y Servicio, como trahado social. Pa varios aña caba e ta makiya hende, pa cualkier ocasion.
