Despues cu ambos partido, esta maneho di Buleria y e cantante Jair “Buddylove” Versprey, a topa otro na mesa decision a cay cu Buleria ta sigui cu Buddy.
BULERIA
Mientras cu ta berdad cu maneho di Buleria no por a drenta den contacto cu n’e pa por a dialoga riba locual ta pasando cu n’e emocionalmente, Buleria ta nenga cu lo a yega n’e decision pa termina e relacion profesional cu Buddy.
Maneho di Buleria a demostra compasion y comprension pa su situacion personal semper. Pero despues di algun siman di ausencia na varios training y presentacion, e situacion a bira mas preocupante ainda. Buddy di su banda tambe a reconoce su problema personal cu a medio afecta su bida artistico cu Buleria.
Den e ultimo dianan, maneho a logra comunica cu Buddy y a reuni cu ne extensamente. Maneho di Buleria a yega na cierto acuerdo y e relacion profesional ta continua. Buleria ta celebrando 10 aña di existencia e aña aki y ta anticipa un temporada exitoso cu diferente presentacion y celebracion. Pa cu esakinan ta conta cu e talento vibrante di Buddy cu mundo di farandula ta custumbra cu ne.
Buleria ta extende palabranan di gratitud na e fanatico- y sostenedonan pa e forma con nan a biba tanto cu Buddy y e banda completo durante e periodo delicado aki.
