Un disturbio Caribense posiblemente ta desaroyando den un depresion tropical, pero treciendo menasa di awasero torencial y inundacion pa Puerto Rico, Hispaniola y Virgin Islands. National Hurricane Center (NHC) tambe tin bista riba un di dos disturbio den e parti oost di Atlantico pa un posibel desaroyo tropical pa e fin di siman aki of principio di otro siman.
Disturbio Caribense
Un area pa tempo instabil ta continua na move den Caribe direccion zuidoost Bahamas. NHC ta bisa cu tin masha poco probabilidad (10%) cu e sistema aki por desaroya den un depresion tropical unabes cu e move cerca di Florida den noordwest Bahamas e fin di siman aki. Interaccion terestre cu e islanan di Caribe y bientonan no faborabel riba nivel superior ta e causa principal cu e sistema aki por avansa of desaroyo den e proximo dianan.
Apesar di e desaroyo, localmente e awasero lo ta pisa y lo tin posibel inundacionnan na Puerto Rico, Hispaniola y Virgin Islands den e proximo dianan mientras cu e disturbio ta sigui noordwest.
National Weather Service a anuncia avisonan di inundacion pa Puerto Rico y Virgin Islands pa diaranson anochi.
Parti oost di Puerto Rico ya caba tin 7 inch di awasero durante diamars atardi, di acuerdo cu NWS. E awa a kibra un brug na Humacao.
E posibilidad di awasero adicional ta rond di 1 pa 4 inch (localmente, te cu 6 inch) na Puerto Rico, Virgin Islands y Hispaniola.
E chens di inundacion ta halto debi na e awasero fuerte adicional cu ta haci cu e tera ta keda muha den un tereno montañoso. E sistema aki tambe eventualmente por bira mas hopi den partinan di Florida na final di e siman aki.
Sistema Atlantico oost
Un disturbio tropical separa den e parti oost di Atlantico tambe ta mustra riba un posibel desaroyo.
E sistema aki ta bin riba e awanan di west Africa riba diadomingo y awo ta situa algun shen miya leu zuid-zuidwest di Islanan Cabo Verde.
Bientonan di nivel halto fuerte lo wanta e desaroyo riba e proximo dianan, pero lo sigui monitorea esaki mientras cu e ta pasa riba awanan habri di Oceano Atlantico Tropical den e proximo siman. NHC a menciona cu e condicionnan ambiental ta pronostica di duna mas chens pa desaroyo na principio di otro siman.
Actualmente NHC ta duna e sistema aki un chens promedio (50%) di crece den un depresion tropical durante e proximo cinco dianan.
Chantal y Dorian lo ta e nombernan di e proximo dos tormentanan tropical cu ta desaroyando den e Cuenca di Atlantico.
Meteo Aruba
Na e momentonan aki no tin disturbio di importancia pa cu e tempo den region local. Humedad riba nivelnan di mas abou por bira net suficiente pa produci un awasero pasahero den oranan di marduga y mainta di diaranson. Un ola tropical a drenta parti oost di Caribe diamars anochi laat pa mainta di diaranson (awe).
Pronostico di tempo pa proximo tres dianan:
Parcialmente nubla cu localmente un awasero breve. Biento lo ta modera te basta fuerte for di generalmente direccion oost; Den dia fuerte te posiblemente duro den rafaga; Temperatura max / min lo ta: 33° / 27°.
Tene cuenta cu e calor
Remarcabel ta cu den e ultimo dianan Aruba y siguramente e resto di e islanan den e region, ta pasando door di un ola di calor inmenso. Ta pa e motibo aki mes ta consehabel pa tuma e medidanan di precaucion, esta hunta sunblock, hasta si bo ta bay haci trabaonan den cura, of haci deporte. Naturalmente sin descarta baymento di beach.
Y durante oranan di anochi, caminda cu e humedad tambe sa presenta, bebe hopi likido pa keda hidrata y tuma un baño prome cu drumi anochi, pa asina e curpa keda fresco.
Tin entendi cu tin habitantenan, pa motibo di e calor, a haya rash, a bira hasta malo pa motibo di e calor. Ta pa e motibo aki tambe ta consehabel pa tene bon cuenta cu e tempo. Esaki ta e temporada cu ta mas calor, sin kita afo e eventual awaseronan cu por cay riba e isla, cu despues di esaki, ta haci e tempo bira benauwd.
