Leo de Hertog no ta un figura desconoci pa loke ta trata donacion di materialnan di deporte. Ya den pasado el a haci esey caba, cu varios scol y e biaha aki e tey un biaha mas.
Leo de Hertog ta secretario di Sports4Youth Foundation y e conta cu esaki ta di cuater carga cu ta hayando for di e Fundacion Sports4Children for di Hulanda. Un fundacion cu ta liga na e fabrica Janssen en Fritsen.
Nan ta acomoda salanan di deporte y scol cu ekiponan nobo y loke nan bin cun’e bek, ta wordo dona na diferente otro pais manera Polonia, Romania. Aruba tambe tin e posibilidad cu ta haya algun material, pasobra vario scol no ta bon ekipa of e ekiponan ta bieu.
E fundacion tin e bentaha cu tin un bon relacion cu e fundacion Sports4Children, y tambe tin un tremendo sponsor na Aruba, esta Jolly Holding, cu ta percura pa tin un container na Helmond yena cu articulo y trece bek Aruba y pa asina e wordo distribui pa e fundacion.
Tin varios scol na Aruba cu a bin na remarca pa haya e donacion aki. Segun de Hertog, Prinses Christinaschool, Graf von Zinzendorf, Colegio Santa Teresita, Colegio Santa Famia, Bon Bini College, Colegio Felipe B. Tromp y Fatima College.
Si e materialnan aki wordo manteni, nan por keda bon pa hopi tempo. Awor aki tin 8 scol cu a bin na remarca pa haya e materialnan aki, pero ainda falta mas. Ta purba cu e fundacion pa otro aña of e aña despues ricibi e materialnan aki, pa yuda mas scol ainda.
E fundacion a yega di yuda mas scol y nan ta ricibi feedback di esaki. Nan no ta haya di tur scol, pero for di varios di nan si nan ta haya.
E fundacion ta gradici Jolly Holding, en particular Van Dorp, cu ta yuda cu e inklaring, etc. E gerente di logistica di e fundacion ta bin Aruba na Juli y tin otro sponsor mas cu ta entre otro Mega Resorts cu ta yuda cu alohamento. Pa otro aña lo purba wak si por haya un proximo container pa Aruba, segun Leo de
