Diaranson ultimo nos a publica un noticia cu un eror humano di un tripulante a causa daño na e grua grandi di baha container. Director di ASTEC mes a confirma cu tabatin un problema cu a afecta e grua grandi dos dia largo.
Mike De L’Isle di ASTEC a splica cu dialuna anochi durante trabao andando riba barco a tuma luga un incidente unda e ‘electrical feeder cable’ di e grua a daña. Waf ta keda un operacion cu tin su riesgo na dje y pesey siguridad ta hopi importante.
ASTEC ta contento cu ningun empleado of tripulante a resulta herida door di e incidente aki. E investigacion pa cu e causa y “lessons learned” ta andando ainda.
ASTEC ta gradici su empleadonan hunto cu Elmar, Setar y asistencia di ATCO cu a traha dia y anochi pa por a pone e grua bek den servicio diaranson marduga trempan.