Siman pasa Noord Taekwondo Center a celebra nan Cena di Pasco hunto cu nan atletanan y mayornan den presencia di Grand Master Chaco Cornelio na Jansen Inn Property.
Durante nan Cena di Pasco a presenta e directiva di mayornan cu ta mantene nan mes activo cu varios actividad durante 2019 y cu un plan mas grandi pa 2020.Master Joshmar Wever a splica e metanan cu tin pa 2020 manera egg hunt, camp training, bingo, car wash, rifa.
Cu esaki bisa, Joshmar Wever ta wak cu e ta bay crusa laman cu su team pa campamento y campeonatonan internacional. Ivan Jansen ta trahando ariba e mugsnan di Noord Taekwondo Center pa cuminsa bende esakinan tambe pa Noord Taekwondo Center por recauda fondonan pa e atletanan.
Master Melvin Rasmijn a splica tocante di e examen cu tabata tin unda cu varios di e atletanan a pasa nan examen, specialmente Samuel Rosales kende tin varios aña caba ta train duro y cu a crece enormemente den e ultimo añanan. Noord Taekwondo Center tin varios Master entrenado nan cu ta train e muchanan.
