Diadomingo anochi alrededor di 7:15 pm polis a para un Hyundai Accent riba Boulevard. Ta for di un rato caba cu diferente automobilista tabata sigui e auto. For di Pricesmart sigui pa Camacuri y na final dilanti ATA polis a logra par’e.
E chauffeur tabata core malo y na diferente ocasion a baha for di caminda cu su auto. Despues cu polis a logra para e Accent shinishi numera A-56840, nan a detene e chauffeur. Di biaha a transport’e pa warda di polis caminda e tin di bay duna cuenta na un subfiscal di su acto.
Su auto a keda para band’i caminda, ora e sali liber e mester bay busc’e. Polis ta sospecha cu e chauffeur tabata bou influencia di un of otro substancia.
