Diadomingo den careda di 5:20 pm a sosode un caso c’un mucha a perde na Santo Largo. Aki un mama a bay lama cu su yiu y despues di un rato a tuma nota cu el a disparce. Di biaha a activa varios unidad tanto di Santa Cruz como di San Nicolas.
Nan a cuminsa busca den e area. E mama a bisa e agentenan policial cu e mucha ta cabey blond y lo mester a bin abou direccion Magel Halto, pero no a topa cu ne. Despues di basta rato a logra localisa e mucha. E tabata cana bay direccion p’e cas di su tata na Sabana Basora.
