Ta sinta tur siman hunto y constantemente ta den comunicacion via mail, etc. Asina Ruben Croes a splica durante entrevista.
Ki dia mester a keda cla cu e trabounan di Hospital?
Awor aki e fase cu ta bay cuminsa, ta un fase di renobacion. Segun Croes, ta canando atras. Pero esey no ta kita afo cu te dia di awe e constructor general, OHL, nunca a kita e dia cu ta bay caba e proyecto. Den corto tempo nan lo bay haci esaki. No ta na hospital pa contesta, pero te ainda nan tin’e na October 2018, como e dia di caba. Pero ta premira cu a bin mas proyecto acerca. E proyecto mes cu ta consisti di un hospital nobo, magazijn nobo, luganan di coriente, airco, etc. nobo y e hospital nobo, ta cla. Pero tin cu bay den renobacion awo. Fuera di esey, a mira cu hopi cos cu mester ainda. A bin ripara cu e cuido intensivo, tabata un departamento antes di maternidad. E ta un departamento cu su plafond ta abao. E no ta fungi bon como un departamento di intensive care. Esey ta un di e cambionan grandi cu ta bay haci, cu ta bay pone nan na di cinco piso. Fuera di esey tin hopi mas cambio cu lo bay bin cun’e acerca pa toch haci un hospital, cu ora ta cla, tin un hospital cu por wanta 25 of 30 aña sigur.
Acomodacion di pashent
Pa loke ta e pashentnan, a cuminsa acomoda e pashentnan den e parti pabao. Tin dos departamento pa move ainda. Ta e departamento di dos piso y e departamentonan di prome piso. Eseynan lo bay pa e banda oost (p’ariba). Construccion di e hospital tin su retonan. E ta pega cu otro caminda cu lo bay kibra muraya y net na otro banda. A pone dos departamento hunto pa purba acomoda e pida west. Ta bay tin retonan grandi pasobra awor aki ta den e hospital mes. No solamente cu zonido, cu stof, etc., pero tambe e gasnan medico cu ta core na un banda, cu ta mesun cos cu ta core otro banda. E parti electrico, parti di IT, ta cosnan cu tin cu bay tene bon cuenta eynan, ki ora cu kita algo of corta algo, pa algo no bay robes. Tin un backup plan grandi. Semper tin retonan cu tin cu toch tene bon cuenta cu nan, con ta bay om cu nan.
Edificio
Lo bay atras solamente cu un cama. Ta bay di 275 pa 274, excluyendo e departamento di PAAZ cu lo bira un organisacion riba su mes. No lo bay tin ningun camber den hospital cu ta mas cu 2 pashent. Tur hende ta bay ta of uno of dos. Ta bay tin un caminda ta trahando cu tin cuater luga, pero e cuater luganan ey no ta ni contanan den e plan total. Tin nan pa djis si acaso tin un calamidad cu mester uza mas cama. Nan ta bay tin nan luganan di oxigeno, etc. Pero no lo bay uza nan. Hopi tempo pasa, AZV a coy un cantidad basta mas halto cu ta biba na Aruba, y a haci un investigacion y tabata tin mester di 202 cama. Awo tin 275. E sistema di trata pashent a cambia hopi. Antes ta opera y ta keda mas largo. Awo ta bay cas casi e mesun dia of pa su mañan.
Satisfecho
Croes ta satisfecho cu e cambio aki. Si mira e reaccion di tur hende cu ta bin hospital, sin conta personal cu ta masha contento cu e cambio. A tene algun opendag y hendenan ta super satisfecho. Ta un hospital bunita. A cana den e luga y tin biaha ta cuestiona con por a wanta 40 aña aden. Por a mira den e diferencia grandi den tamaño di e cambernan. E cambernan antes di e muchanan tabata hopi chikito. Awo e ta diferente. Nan tin mas camber, mas luga di hunga. Ta un departamento cu a haya hopi cambio tambe. Esaki por sinti cerca e pashent, tanto den e cambio fisico y psicologico.
