Gerencia di Cas di Cultura tin algun preocupacion pa e condicion di e luga. Tin plan. Vicky Arens, directora di Cas di Cultura, a splica cu nan ta asina leu cu e draft di e diseño nobo di Cas di Cultura ta casi cla. Monumentenbureau ta trahando duro riba esakinan pa realisa e plattegrond y e doorsnede, cual ta core pareu cu e plan van eisen cu a wordo skirbi internamento y hunto cu stakeholdernan, kico eigenlijk Aruba mester pa por fungi como theater nacional y cas cultural.
Ta spera dentro di algun luna e draft final di con e edificio nobo lo mustra. Pa duna un idea con e ta wordo premira, no hopi lo bay keda bon. Si tur cos sigui, no tin hopi muraya cu ta keda existi, pasobra e funcionalidad basicamente di e edificio aki ta uno di 60 aña pasa.
E deseonan tabata di tal indole cu e pintura cu a wordo crea, hunto cu theateradvies BV, ta un teatro casi nobo, cu excepcion di e sala grandi, cu tin e mesun forma cu ta un forma monumental y e gevel dilanti cu ta marca e edificio di un manera cu ta di e tempo di añanan 50/60.
Kico mas falta
Tin un comision caba cu a lanta entre departamento di cultura y Cas di Cultura mes, no solamente pa pensa riba un hubileo di otro aña di 60 aña di Cas di Cultura y 40 aña di e Departamento di Cultura, pero tambe pa pensa tocante strategianan di recaudacion di fondo cu si mira internacionalmente, hopi teatro tin un persona destina, of un team destina, cu ta pensa continuamente riba con pa financia e permanencia di e edificio.
A cuminsa cu un paar di reunionnan di orientacion cu e comision aki. Varios idea a bin dilanti con pa haci fundraising y varios pakete tin pa wordo formula, pero tin idea riba dje caba. Ora e draft ta cla, ta bay mustra pueblo y publico kico a traha riba dje y lo bin un buki di presentacion. Cu esey mester motiva pa e fondonan bin na disposicion pa realisa esaki.
Fondonan
Tin diferente forma pa haya fondo. Tin paketenan pa comerciante cu ta liga nan nomber na e instancia of e edificio. Tin fondonan manera un Monumentanfonds cu lo por acerca. Tin fondonan, ta spera tambe na Europa cu mester bay averigua den mas profundo di ki indole por haci aansprak riba nan. Tin manera. Tin crowdfunding, tin telethon, tin varios manera con pa haci esaki y naturalmente mester wak si e vision cu tin pa e edificio nobo, ta algo cu ta realisabel. Si no, ta unda mester cremencha den e soño eynan ideal cu a pinta.
