Vocero di Ministerio Publico di Corsou, Norman Serphos, a confirma cu awe marduga a drenta horta den Warda di Polis na Rio Canario na Corsou y a bay cu un cantidad grandi di cocaina. El a confirma cu e investigacion ta den man di landsrecherche cu un Fiscal di Ministerio Publico na cabes. Loke si el a desmenti ta cu a bay cu arma y placa. Ta netamente cocaina a logra bay cun’e, door di forsa dos porta di hero pisa, unda e droga tabata warda.
Husticia ta sospecha cu e antisocialnan a haci uzo di ekiponan pisa pa forsa e portanan di hero aki. Ta un caminda tin ta warda e droga. Serphos no a divulga mucho mas, debi cu e investigacion ta curu ainda.
Probablemente a haci uzo di e mal tempo di marduga y durante di e mal tempo aki a probecha y a forsa drenta. Ta trata di dos lote grandi di droga cu den a wordo confisca pa Kustwacht.
Siguridad
Segun Norman Serphos, tabata marduga cu Corsou tabata riba bao cu hopi mal tempo. Polis tabata riba caya ta duna sosten na comunidad. Tur cos ta indentifica, tur cos ta wordo investiga. Tin caminda pa cana.
Inside Job
Serphos a splica cu tur cos ta tene cuenta cun’e. Pero esey no ta e prome cos cu e investigadornan ta pensando riba dje. No por descarta nada na e momentonan aki, aunke e no ta kere cu ta asina. Cu tipo di crimennan asina, mester bay cauteloso riba dje, pa no alerta ningun hende.
